Русская версия  |  Əsas səhifə

Dövlət Komitəsi Sumqayıtda xeyriyyə aksiyası keçirib

Dini Qurumlarla İş üzrə Dövlət Komitəsinin (DQİDK) təşkilatçılığı və Sumqayıt Şəhər İcra Hakimiyyətinin dəstəyi ilə Dövlət Komitəsinin “Ramazan – Vəhdət ayı” layihəsi çərçivəsində Sumqayıt şəhərində şəhid ailələri və Qarabağ müharibəsi əlilləri ilə bağlı yardım aksiyası keçirilib.

DQİDK-nın mətbuat xidmətindən islam.az-a verilən xəbərə görə, tədbir Şəhidlər Xiyabanını ziyarətlə başlayıb. Tədbirdə Dövlət Komitəsinin və Şəhər İcra Hakimiyyətinin məsul şəxsləri, şəhid ailələri və Qarabağ müharibəsi əlilləri, eləcə də Sumqayıt şəhərində və Abşeron rayonunda fəaliyyət göstərən İslam dini icmalarının nümayəndələri iştirak ediblər.

Ziyarətdən sonra tədbir iştirakçıları qarşısında çıxış edənlər Dini Qurumlarla İş üzrə Dövlət Komitəsi tərəfindən keçirilən bu xeyriyyə aksiyasının artıq iki ildir ənənə halını aldığını bildirmiş bu təşəbbüsü yüksək qiymətləndirmişlər. Dövlət tərəfindən dini sahayə göstərilən qayğı tədbir iştirakçıları tərəfindən alqışlanmış və bu sahəni məqsədyönlü fəaliyyətinin tərkib hissəsi kimi daim diqqətdə saxlayan Prezident İlham Əliyevə təşəkkür edilmişdir.

Ümumilikdə, 115 şəhid ailəsi və Qarabağ müharibəsi əlilinə qida məhsullarından ibarət Ramazan sovqatları verildi.

Опубликовано:6 Август, 2013 11:54
В этом разделе:
1 Август, 2014
Unutduq, ya yox?
Ваше имя |
Текст
Captcha
|
Captcha
© 2014 All right reserved www.islam.az waplog