Русская версия  |  Əsas səhifə

İƏT Gənclər Forumu ölkə Prezidentinin Sərəncamını dəstəkləyən bəyanatla çıxış etmişdir

Azərbaycan Respublikasında 2017-ci ilin “İslam Həmrəyliyi İli” elan edilməsi haqqında Azərbaycan Respublikası Prezidenti cənab İlham Əliyevin imzaladığı sərəncamla bağlı İslam Əməkdaşlıq Təşkilatı Gənclər Forumu xüsusi bəyanatla çıxış etmişdir.

Forumun sözügedən sənədində Azərbaycan Respublikasının İslam Əməkdaşlıq Təşkilatına (İƏT), İSESKO-ya, həmçinin müsəlman ölkələrini birləşdirən digər mötəbər qurumlara üzv seçilərək İslam aləmi ilə qarşılıqlı faydalı münasibətlər qurmasına, qlobal əhəmiyyətli bir sıra mühüm mədəni forumların təşkilatçısı kimi çıxış etməsinə yüksək dəyər verilmiş, eləcə də IV İslam Həmrəyliyi Oyunlarının 2017-ci ildə Bakı şəhərində keçirilməsi ilə bağlı qərarın Azərbaycanın İslam həmrəylinin möhkəmləndirilməsi sahəsində növbəti əməli addımlar atması üçün əlverişli şərait yaradacağı bildirilmişdir.

Bəyanat vasitəsilə İƏT Gənclər Forumu ailəsi Azərbaycan Respublikası Prezidenti cənab İlham Əliyevə İƏT-ə bağlı beynəlxalq qurum olan Gənclər Forumunun təşkilatlanmasında və inkişafında göstərdiyi davamlı dəstəyinə görə öz təşəkkürünü bildirmişdir. Təşkilatın 2004-cü ildə yaradılmasından bu yana Forumun ilk Baş Assambleyası daxil olmaqla bir çox beynəlxalq tədbirlərinə, o cümlədən, Gənclər Forumunun Avrasiya üzrə Regional Mərkəzinə Azərbaycan Hökumətinin ev sahibliyi etməsi, İƏT Gənclər və İdman Nazirləri Şurasının 4-cü sessiyasına Azərbaycanın ev sahibliyi etmək haqda qərarın İƏT Gənclər Forumunun həmtəşkilatçı olduğu İƏT Gənclər və İdman Nazirləri Şurasının 3-cü sessiyasında qəbul edilməsi  bu dəstəyı bir daha təsdiq edir.

Eyni zamanda İƏT Gənclər Forumu Azərbaycan Hökumətinin gənclərin müxtəlif sahələr üzrə lider kimi yetişməsinə şərait yaradan Gənclər Siyasətini yüksək qiymətləndirir.

Sözügedən bəyanatda İƏT Gənclər Forumu prezident qərarının icra olunmasına öz dəstəyini göstərmək məqsədilə İƏT-in Müştərək Gənclər Fəaliyyətinə daxil olan  layihə və proqramlarını "İslam Həmrəylik ili" çərçivəsində həyata keçirməyə və Azərbaycan gənclərinin bu layihələrdən yararalanması və İslam həmrəyliyini və qlobal gənclər dialoqunun gücləndirilməsi məqsədilə Azərbaycan gəncləriylə və Azərbaycan Hökuməti ilə əməkdaşlığı daha da gücləndirməyə hazır olduğunu bildirir.

Опубликовано:12 Январь, 2017 07:40
В этом разделе:
Ваше имя |
Текст
Captcha
|
Captcha
© 2017 All right reserved www.islam.az waplog